عامية " بحبك وانتي متضايقة"

بحبـك وانتـي متضـايقــــه
بحبـك وانتـي مـش رايقـه
و بعشـق قلبـك المجنـون
وشايفـك ع الجنـان لايقـه

عامية " عايز تموت؟ "

فِكرك هتقدر لو تحب تموت
تموت؟
الموت براح
عايز جناح
وانت يا مسكين
السجين
حُكم البراءة المستحيل
فاتك
كل انفعالاتك
سكوت
حزنك أنين مكبوت
خوفك ملذَّاتك
حلمك 
زنزانه مقفوله على ذاتك
يمكن بريء؟
يمكن
لكن لروحك
ما اتخلقش جناح
علشان تطير بيه للبراح
فتموت

لا نَـوْمَ للقـلب يا ابـنَ الحُـزْنِ إنْ عَشِقَـا
نـام الخَـلِيُّــون ؛ هــل أسْتَبْشِـرُ الأرَقَـا؟

يمضي بيَ الحلمُ بعـد الحلمِ في عَجَـلٍ
في سَـرْمَدِيِّاتِ أرضِ الرُّوح مُنطَـلِقَــا

قـامـتْ بجَنْبَــيَّ أُنْثَـى لا حُـــدُودَ لهــا 
تستفتـحُ الحـبَّ بـَابـًا كــان قــد غُلِقَـــا

تمحو كتابَـًا ـ بأرض الخَوْف ـ مُهْتَـرِئـًا
كـلُّ الـذي عَـاذَ بِــي قــد زِدْتُـــهُ رَهَقَـَا

يغتـالنـي الليـــل والعينــان سـاهـرتـــا
ن؛القلـب في خِــدرِها لـم يَشْتكِ القلقــا

سطـرٌ مـن الشِعْــر فـي رَيعان نشوتنا
يكفـي لخلقـي وجــودًا قَبْــلُ مـا خُلِقــا

نهْــرٌ مِــن الخمْـر موصـولٌ بِسُـرَّتِهـا
مِن فَـرْط لذَّاتِـــهِ أدمنْـتُــهُ غَــرَقَـــــــا

غصنـان مِـن سِـدرة الأحــلامِ مَنبتُنــا
لا ليْــل يطغـى على الدنيا إذا احترَقَـا

لا يُـدركُ الوقت في أحضانها شغفـي 
فالرِّيــحُ لا تنحنــي إلَّا لِمــن صَـدَقَــا 

شَـوق المُـحبِّيــن عنقــاءٌ مُجَـنَّـحَــــةٌ
سـرُّ الخُـرافــاتِ قلــبٌ مَـيِّـتٌ عَشِقَــا

نذرت صوما

ثلاثًا من ليالي الحبِّ قُمْتُ
وعِشقًا للعيون نذرتُ صَوْمَا

فحتى يَنْقَضِي الأجلُ احتملتُ
على مَوج الحنين بلغتُ عَوْمَا

الحوار

الحوار
مش بالمقاولهْ
الحوار
أخْـــد وْمناولهْ

فاكرة؟

لمَّا كُنَّا هناك
على شط " الجزيرة"
فاكره طبعًا
زي انا فاكر تمام
كنتي زي الطفلة
لمَّا تطير
وتتشاقى على حروف الكلام
سارحه فووووووق
فوق سحاب الهمس
فووووووووق زي الحمام
فاكره لمَّا هناك سألتك
قلت إيه؟
فاكره كنَّا بنحسب الساعات
بتجري ازاي وليه؟
فاكره طبعًا
زي انا فاكر تمام
انَّ قلبي ارتاح لقلبك
انّي قلت كتير لروحك
بعشقك
بعشق شقاوتك
والسلام 

يا قلبك الشفَّاف

يا قلبك الشفَّاف
تحت الضلوع شوفي
هربتْ قلوب بتخاف؟
أنا مهري كان خوفي

يا ضلة الصفصاف
يا نيلك الصوفي
يا كعبة الطَوَّاف
أنا كعبتك طُوفي