في غيابك يا حبيبي ميتٌ
ولستُ أُبعث إلا حين تلقاني

تراتيل العشق

يطوف القلب في عينيكِ
درويشًا فذاب وتاهْ

يُرتل وِردَهُ الكونيَّ
موصولًا بحبل اللهْ

فلا عيناك مبصرتان
ما يشكوه بل عيناهْ

باب الوصول

لسَّاكي تايهه في العيون البحر ؟
لسّاكي فوق موج التردد
مؤمنه بالسحر ؟
شوقك سراب ولَّا
نبوءة أنبيا من غير كتاب
ولا وحي
مش معجزات الأوليا هي النجاه
مش خوفك المصلوب على وجع الحياه
باب الوصول حرفين
وضاعوا في كتاب الشعر

قصايد شعر ياااااوطني
وكتبنالك
ودم وساااال
وكم حلم اتقصف سِنه
على ورقك
وبرضه لسَّا بنغنيك
فهل يرضيك
مرارة ذُلّ هذا الحاااااال ؟

بحبك بس مش عارف

بحبك بس مش عارف
أكون ازاي

كتير جربت اكون رحَّال
اكون شاعر
وفي عيونك
اكون أشقى ولد زجَّال
اكون همسه
اكون لحن الكمال للناي

كتير جربت اكون رسام
اكون ضحكه
على وش العيال في الحي
اكون فنان
" حنين للضي "
اكون شوقك لبكره الجايْ

كتير جربت في عيونك
كتير جدا
احبك 
بس مش عارف
أحب ازايْ

سينتقل المكان

سينتقل المكان
من المكان
سنهرب مثلما كنا وكان

نعود 
وما بقلبينا نشيجٌ
وما بصفائح الذكرى مكان

هناك بركن عينينا
فراغٌ
وأضلاعٌ يعبقها دخان

هناك
وحيث لا يمضي زماني
أنا وحبيبتي
كنا الزمان

الله يا روح روحي
سحرك مِدوَّخني

وان مات بقلبي الطرح
شعرك بيطرحني