تراتيل العشق { احب الله * }

لا لنار
حسبت حساب
ولا جنتك طامع
...ولا لحظه
حبك أسرنى
رغبه فى مطامع
وان جيت
فى يوم الحساب
عينى على الجنه
إقفل فى وشى البيبان
وانت شهيد سامع

*****

محمود السيد اسماعيل

تراتيل العشق { برده لأ }

يرده  لأ

لو فوق لسانى

وجوّا بقى 

ألف عسكر من عساكرك

برده  لأ

أنا كنت درعك 

لما أكبر ندل فيهم

كان بيجرى 

ويستخبى جوّا شق

الوقتى صوتهم ليه بيعلى

وصوتى جوايا 

اتخنق

رافضانى ليه ؟

بيقسموكى

وقطعوكى

وبعتروكى

على الملأ

احترت فيكى

ومن عمايلك

يااااااااااااه خلاص

منك هـ طأ

و برده حبك جوّا قلبى

قطر جوّايا انطلق

مهما قلتى لهم موافقه

بعلو صوتى

لكل ظالم

برده حافضل اقول له 

لأ

***********

محمود السيد اسماعيل

تراتيل العشق { لأجلك أنت }

لأجلك أنت

لأجلك أنت
يا نور القمر ْ
اطلقتُ أشرعتى
ببحر هواك ِ
وتركتُ صومعتى
لعشاق السهر
يممتُ صوبك ِ
مانحا ً إياك ِ
قلبا ً وروحا ً
والمشاعر والدررْ
و من القصائد
ما يفوق رؤاك ِ
سأريك بعضا ً
من معالم دولة ٍ
ما قد صبتْ لمثيلها
عيناك ِ
وستعلمين السحر
كيف أصوغه ُ
وسينتشى  فى عالمى
نهداك ِ
و إذا قرأتُ على يديك  ِ
نبوءتى
فتقاطرت بالمعجزات
يداك ِ
فأنا نبيك ِ
فاهتدى وتعلَّقى
وتأكدى أنِّى سبيل هداك ِ


*********

محمود السيد اسماعيل

تراتيل العشق { لأ يا كحيلة }

لأ يا كحيلة 

إيّاكى فاكره 

عشان سِكت ْ 

خلاص رضيتْ

إنى ابقى كومبارس لسيادته

أو خيال 

فوق ضل حيط

أو صوره باهته 

ف أى حته 

و أى حاجه

ايّاكى فاكرانى عبيط !!

لأ ياكحيله

و حق من كحل عنيكى

بلون شقايا

أنا يوم ماتفتكرينى مت

هكون بديت 

*********

محمود السيد اسماعيل

تراتيل العشق { مش سايبينك }

مش سايبينك

طول ما العسكر

جوّا شوارعك 

و ف ميادينك

رافضين أى تفاهم واضح

بينى وبينك

وانا فى الشارع

صاحى نهارك

سهران ليلك

مع أحرار الثوره بنصرخ

مش سايبينك

******

محمود السيد اسماعيل

تراتيل العشق { من ألف باب }

من ألف باب

أنا حقى فيكى

مش رغيف متعاص تراب

و لا حقى إنك 

ترمى لحمى للكلاب

أنا قادر انى

أكون لغيرك

و ابقى مش محتاج لخيرك

إنما حقى هجيبو 

وراسى طايله للسحاب

وابقى امنعينى

واطردينى

هادخلك من ألف باب

*******

محمود السيد اسماعيل

تراتيل العشق { لو خنتى }

لو خنتى 

أنا لما جيتلك 

كنت جىّ أحجّلك

بالروح فديتك

لما غيرى بهدلك

دلوقى فاكرانى

هخاف من عسكرك

لأ يامّا فوقى وصحصحى

ربى ف سماه

لوخنتى بإديّا اقتلك

********

محمود السيد اسماعيل