حنان ضِلَّك

أﻧﺎ ﺍﻟﻠﻲ قلبي
ﻣﺎ ﻣَﻠَّﻚ
ﻭﺭﺍﺣﺘﻲ
ﻓﻲ حنان ضِلَّك
ﻭﺭﻭﺣﻲ ﺍﺳﺄﻟﻬﺎ
ﻫَﺘْﻘﻮﻟَّﻚ

تخاطيف كلام

ﺗﺨﺎﻃﻴﻒ ﻛﻼﻡ
ﻛﻞ ﺍﻟﻠﻲ ﻓﺎﺕ ﻣﻦ ﻋﻤﺮﻱ
ﻗﺒﻠﻚ ﻳﺎ . . . . ﺍﺳﻤﻚ ﺍﻳﻪ 
ﺗﺨﺎﻃﻴﻒ ﻛﻼﻡ

مسك الختام

ﺑﺤﺒﻚ ﺳﻼﻡ
ﻭﺣﺮﺏ ﻭﺻﺪﺍﻡ
ﻭﺃﻭﻝ ﻣﺎ ﺑﺼﺤﻰ
ﻭﻗﺒﻞ ﺍﻣﺎ ﺍﻧﺎﻡ
ﻭﺳﺎﻋﺔ ﺗﺼﺎﻓﻲ
ﻭﺳﺎﻋﺘﻴﻦ ﺧﺼﺎﻡ
ﺑﻘﻄﺮ ﺍﻟﺘﺠﺎﻓﻲ
ﺑﻨﺰﻋﻞ ﺃﻭﺍﻡ
ﺑﻀﺤﻜﻪ ﺑﺼﺎﻟﺤﻚ
ﻑﺗﺎﻛﺴﻲ ﺍﻟﻐﺮﺍﻡ
ﺣﻨﻴﻨﻚ ﺩﻭﺍﻳﺎ
ﻭﺑﻌﺪﻙ ﺯﻛﺎﻡ 
ﻭﺭﻭﺣﻲ ﺑﺤﻀﻨﻚ
ﺑﻨﻨﺴﻰ ﺍﻟﻜﻼﻡ
ﻳﺎ ﺃﺣﻠﻰ ﺑﺪﺍﻳﺎﺗﻲ
ﻭﻣﺴﻚ ﺍﻟﺨﺘﺎﻡ

من غير كلام

ﻣﻦ ﻏﻴﺮ ﻛﻼﻡ
ﻭﻻ ﺣﺘﻰ ﺗﻠﻮﻳﺢ ﺑﺎﻟﺴﻼﻡ
ﻓﺮﺩﻳﻦ ﺣﻤﺎﻡ
ﺍﻟﺤﺐ ﺯﺍﺭﻫﻢ ﺿﻴﻒ ﺧﻔﻴﻒ
ﺳﺎﻋﺘﻴﻦ ﻳﺎ ﺩﻭﺏ
ﻣﺶ ﺑﺎﻟﺘﻤﺎﻡ
ﺳﺎﺑﻬﻢ ﻭﻗﺎﻡ
ﻓﺘﺢ ﺍﻟﻔﺮﻳﺰﺭ ﻭﺍﺑﺘﺴﻢ
ﻭﺩﺧﻞ ﻭﻧﺎﺍﺍﺍﺍﺍﺍﻡ
ﻣﻦ ﻏﻴﺮ ﻛﻼﻡ
ﻭﻻ ﺣﺘﻰ ﺗﻠﻮﻳﺢ ﺑﺎﻟﺴﻼﻡ

الغنا في البراح

ﺇﻧﺖ ﺍﻟﺒﺮﺍﺡ ﻓﻲ ﻏﻨﺎﻳﺎ
ﻭﺍﻧﺖ ﺍﻟﻐﻨﺎ ﻓﻲ ﺍﻟﺒﺮﺍﺡ
ﻭﺍﻧﺖ ﺍﺑﺘﺴﺎﻣﺔ ﺑﻜﺎﻳﺎ
ﺳﺤﺮ ﺍﻟﺪﻭﺍ ﻟﻠﺠﺮﺍﺡ
ﺣﺐ ﺍﻟﻠﻲ ﺟﺎﻱ ﻣﻦ ﺳﻨﻴﻨﻲ
ﻭﺍﻟﺤﺐ ﻓﻲ ﺍﻟﻌﻤﺮ ﺍﻟﻠﻲ ﺭﺍﺡ

العقل زينة

ﻣﻴﻦ ﺍﻟﻠﻲ ﻗﺎﻝ ﺍﻟﻨﻴﻞ ﻣﺴﻴﺮﻩ ﻳﺠﻒ ؟
ﻭﺍﻟﺰﺭﻉ ﺍﻻﺧﻀﺮ ﻡ ﺍﻟﻌﻄﺶ ﺣﻴﻤﻮﺕ ؟
ﺍﻟﻌﻘﻞ ﺯﻳﻨﻪ ﻭﻋﻘﻠﻨﺎ ﻟﻢ ﺧﻒ
ﺍﻟﻨﻬﻀﻪ ﺳﺪ ﻭﻡ ﺍﻟﺴﺪﻭﺩ ﺑﻨﻔﻮﺕ