درويش

أنا كنت ماشي ف سكتك
درويش
وف حضرتك حاشد
جميع ناسي
مش ناسي منهم
أغنيا وحرافيش
غنيت قصايدي
ف زحمة الحاضرين
حاضرين وروحهم
كالإزاز هَشه
متجمدين م البرد
والد... هشه
ياااا سيده ردي لنا روحنا
فكي طلاسم هذه المِحنه
اتنزِّلي فينا أمل و عفاف
دفِّي قلوبنا بنورك الشفاف
ياااا سيده
حذرتك التطنيش
وكتير ناديتك
وانت مترديش
لو تهنا في سكتك
عن حضرتك رُحنا
فبحذرك من غضبة الدروايش

كل ده وبتكدبيني

كل حرف بشوق ولهفه
بيناديني
كل نظره من عيونك
نورت ضلمة سنيني
كل رعشة من إيديكي
وهي تايهه ف بحر إيدي
نبضة بتشعلل حنيني
وكل لحظة حب مرت
واحنا
مش دارين بروحنا
روحنا فيها لدنيا تانيه
وكل ثانيه وكل ساعة
وكل كم يوم افترقنا
كل ده وأكتر بحبك
صدقيني 

أحبك مرتين

أحبك مرتين
على الفطور
وأبكي ساعتين على الغداءْ

وأرغب فيك
حين يغيب عقلي
وأرغب عنك إن حضر العشاءْ

وأكتب عنك
شعرًا في سطور
وأقرأ فيك قول أبي العلاءْ

أهذا ما جناه أبي عليَّا؟
لعمري إنه شر ابتلاءْ

فمثلكِ
لم تلد في الأرض أنثى
ومثلي
لن تُرَوِّضَهُ النساءْ

في غيابك يا حبيبي ميتٌ
ولستُ أُبعث إلا حين تلقاني

تراتيل العشق

يطوف القلب في عينيكِ
درويشًا فذاب وتاهْ

يُرتل وِردَهُ الكونيَّ
موصولًا بحبل اللهْ

فلا عيناك مبصرتان
ما يشكوه بل عيناهْ

باب الوصول

لسَّاكي تايهه في العيون البحر ؟
لسّاكي فوق موج التردد
مؤمنه بالسحر ؟
شوقك سراب ولَّا
نبوءة أنبيا من غير كتاب
ولا وحي
مش معجزات الأوليا هي النجاه
مش خوفك المصلوب على وجع الحياه
باب الوصول حرفين
وضاعوا في كتاب الشعر

قصايد شعر ياااااوطني
وكتبنالك
ودم وساااال
وكم حلم اتقصف سِنه
على ورقك
وبرضه لسَّا بنغنيك
فهل يرضيك
مرارة ذُلّ هذا الحاااااال ؟